Plantun de Prouvènço

Pèr coumpara dos planto d'encò nostre

Teucrium scorodonia & Stellaria nemorum

Teucrium scorodonia

Lamiaceae Labiaceae

Noms en français : Germandrée scorodoine, Sauge des bois.

Descripcioun :
Aquesto sàuvi dóu gènre Teucrium trachis sus sòu séusous e se vèi dins li bos clar e lis orle de champino. Pèr acò l'atroubarés pas en Prouvènço cauquiero. Se recounèis à si grapo e flour jauno e à si fueio que rapelon aquésti de la sàuvi.

Usanço :
Li flour secado se prenon en tisano e an d'ùni prouprieta (vèire çai-souto).

Port : Pichoto planto lignouso
Taio : 30 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Teucrium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 9 à 12 mm
Flourido : Printèms - Estiéu

Sòu : Si
Autour basso e auto : 0 à 1700 m
Aparado : Noun
Jun à avoust

Liò : Orle de champino - Bos fres
Estànci : Mesoumediterran à Mountagnard
Couroulougi : Éuroupo-Ouèst
Ref. sc. : Teucrium scorodonia L., 1753

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.